Davenport æfir með Leeds

Calum Davenport, fyrrum leikmaður West Ham, er nú að æfa með Leeds United en hann er nú samningslaus eins og stendur.

Davenport komst í fréttirnar fyrir ári síðan er hann var stunginn í fótinn fyrir framan heimili móður hans.

Sjálfum var honum gefið að sök að hafa ráðist á ólétta systur sína en var ekki sakfelldur fyrir dómi.

Simon Grayson, stjóri Leeds, líst vel á kappann. „Hann lítur út fyrir að vera sterkur og í góðu formi. Við skulum sjá hvernig þetta fer."

„Við erum ekki með neinn tímaramma í huga. Kannski verður hann hér í viku eða í mánuð. Við munum sjá til þegar hann verður leikfær."