Konur taka völdin í Sviss

Búist er við að konur verði í meirihluta í ríkisstjórn Sviss eftir kosningar sem fram fara á morgun.

Í Sviss er sjö ráðherra fjölflokkastjórn og tvö ráðherraembætti liggja á lausu. Allt bendir til þess að annað embættið fari til Simonettu Sommaruga.

Þrjár konur eru þegar ráðherrar og gert ráð fyrir að þær verði allar eundurkjörnar. Með Simonettu verða konur því komnar í meirihluta í ríkisstjórn landsins.

Ekki eru nema fjörutíu ár síðan konur fengu kosningarétt á landsvísu í Sviss. Ein kantónan hleypti konum raunar ekki að kjörkössunum í sveitastjórnarkosningum fyrr en árið 1990.