Redknapp viðurkennir áhuga á Ashley Young

Harry Redknapp fer ekki í grafgötur með það að hann er á eftir vængmanninum Ashley Young hjá Aston Villa. Sigur Tottenham á Young Boys í forkeppni Meistaradeildarinnar gerir það að verkum að Redknapp fær aukið fé til leikmannakaupa.

Talið er að Young sé tilbúinn að endurskoða framtíð sína eftir að Villa, sem er án knattspyrnustjóra, tapaði fyrir Rapid frá Vín í miðri síðustu viku. Manchester City hefur einnig gefið honum auga.

Redknapp viðurkennir að það séu ekki miklar líkur á því að honum takist að klófesta Young en miði er möguleiki. Verðmæti leikmannsins er í kringum 25 milljónir punda.