Knútur fagnar fjögurra ára afmæli

Ísbjörninn Knútur fagnar fjögurra ára afmæli sínu í dag. Hann hefur verið í dýragarði í Berlín frá því móðir hans hafnaði honum og bróður hans.

Berlínarbúar tóku strax miklu ástfóstri við Knút sem dregið hefur til sín mikinn fjölda gesta. Í tilefni dagsins var Knúti gefið úrvals kjöt og fiskur og útbúin var terta með tölustafnum fjórum. Dýragarðurinn hefur hagnast mikið af sölu minjagripa sem tengjast Knúti og ekki veitir af því í ljósi þess að það er dýrt að halda uppi ísbirni.