Kristinn Björnsson til Keflavíkur

Njarðvíkingurinn Kristinn Björnsson hefur ákveðið að söðla um og ganga til liðs við granna sína í Keflavík. Þetta var staðfest á heimasíðu Keflavíkur.

Kristinn er 23 ára gamall og var fyrirliði Njarðvíkur í sumar. Hann á að baki meira en 150 leiki í deild, bikar og deildarbikar með Njarðvík.

Þetta er kærkomin viðbót í leikmannahóp Keflavíkur sem hefur misst nokkra sterka leikmenn á undanförnum vikum. Hólmar Örn Rúnarsson fór í FH, Hörður Sveinsson í Val og Paul McShane í Grindavík.

Keflvíkingar fengu þó Grétar Hjartarson á dögunum og hafa nú bætt Kristni í hópinn.

Þjálfari Keflavíkur er Willum Þór Þórsson.