Ofbeldismaður aftur fyrir dóm

Norðlendingur um fimmtugt, Hans Alfreð Kristjánsson, hefur játað á sig fíkniefnabrot, en hann var gripinn með lítilræði af amfetamíni á Café Amor á Akureyri.

Hans Alfreð hlaut þriggja ára fangelsisdóm árið 2007 fyrir að stinga fyrrverandi unnustu sína með hnífi í brennandi húsi. Þá var hann líka ákærður fyrir að hafa reynt að stinga mann sem hún var með, láta undir höfuð leggjast að bjarga þeim úr brennandi húsinu, ógna lögreglu með hnífi og hella bensíni yfir sömu konu með það að augnamiði að kveikja í henni, en var sýknaður af því öllu. - sh