Hærri gjöld og minni þjónusta

Bæjarstjórn Vesturbyggðar hefur kynnt aðgerðir til að spara í rekstri sveitarfélagsins.

Meðal annars á að leggja af skólamáltíðir í núverandi mynd, segja upp húsaleigustyrkjum og hætta að greiða laun vegna fjarveru í háskólanámi.

Þá á að spara níu prósent í kennaralaunum, ekki gera nýja samninga við leiðbeinendur í kennaranámi, hækka gjaldskrá í íþróttamiðstöðum og gjald í sund.

Skera á niður í starfsmannahaldi leikskóla og hækka gjöld þar um fjórðung, hækka allar almennar gjaldskrár um 5 prósent, fækka sorphirðudögum og láta þá starfsmenn sem hafa farsíma frá bænum sjálfir greiða notkun yfir 7 þúsund krónur á mánuði. - gar