Breyting á lögum um embætti sérstaks saksóknara tekur gildi í dag, 1. apríl. Í tilkynningu frá forsætisráðuneytinu segir að með lögunum eru heimildir embættisins til þess að kalla eftir upplýsingum og gögnum gerðar ótvíræðar.

„Er breytingunum ætlað að efla og styrkja embættið og gera því enn frekar kleift að upplýsa, rannsaka og eftir atvikum gefa út ákærur í málum sem falla undir lög nr. 135/2008 um embætti sérstaks saksóknara," segir ennfremur.