Skoðun Ragnheiðar óbreytt - er hlynnt aðildarviðræðum

12. júlí 2009 15:12

Ragnheiður Ríkharðsdóttir, þingmaður Sjálfstæðisflokksins, er hlynnt aðildarviðræðum við Evrópusambandið. Hún hyggst ekki gefa ekki upp hvaða tillögu hún styður fyrir enn að loknum umræðum um um málið á þingi.

„Ég vil fá að klára og hlusta á umræðuna til enda og sjá hvernig hvernig breytingartillögurnar verða afgreiddar," segir þingmaðurinn.

17 á mælendaskrá

Umræðu um þingsályktun ríkisstjórnarinnar um aðildarumsókn að Evrópusambandinu verður framhaldið á morgun klukkan 15 en 17 þingmenn eru á mælendaskrá. Í framhaldinu verða greidd atkvæði um tillöguna en óvíst er hvenær það verður.

„Ég er hlynnt því að farið verði í aðildarviðræður. Sú skoðun mín hefur ekkert breyst," segir Ragnheiður aðspurð um afstöðu sína í málinu.

Bjarni Benediktsson, formaður Sjálfstæðisflokksins, og Þorgerður Katrín Gunnarsdóttir, varaformaður flokksins, hafa lagt fram breytingartillögu við tillögu meirihlutans um svokallað tvöfalda þjóðaratkvæðagreiðslu.

Margir sjálfstæðismenn vilja hefja aðildarviðræður

Ragnheiður gefur ekki upp hvort hún styður þá tillögu en hún ætlar eins og áður kom fram að bíða og sjá hvernig umræðan fer í þinginu.

Þá segir Ragnheiður að skiptar skoðanir séu innan Sjálfstæðisflokksins til aðildarviðræðna við Evrópusambandið.

„Það hafa margir sjálfstæðismenn lýst yfir þeirri skoðun sinni að aðildarviðræður að Evrópusambandinu séu æskilegar. Þar getur þú séð fólk eins og Þorsteinn Pálsson, Benedikt Jóhannesson, Höllu Tómasdóttur, Guðfinnu Bjarnadóttur og marga marga fleiri sem hægt er að nefna."

Tengdar fréttir

Á von á þjóðaratkvæðagreiðslu innan þriggja mánaða

„Ég á alveg eins von á því að málið verði lagt í hendur þjóðarinnar innan þriggja mánaða,“ sagði Bjarni Benediktsson, formaður Sjálfstæðisflokksins, í samtali við Vísi er hann var inntur eftir því hvenær þjóðaratkvæðagreiðsla um ESB fari fram, ákveði þingið að samþykkja þingsályktunartillögu utanríkismálanefndar.

9. júlí 2009 11:51

Ólíklegt að kosið verði um ESB á mánudag

Ólíklegt er að hægt verði að greiða atkvæði um þingsályktun um aðildarumsókn að Evrópusambandinu á mánudag, eins og forsætisráðherra vonaðist til. Umræður um málið hafa haldið áfram á Alþingi frá klukkan hálf ellefu í morgun og lauk nú á þriðja tímanum. Næsti fundur Alþingis er klukkan þrjú á mánudag en nú eru enn 17 manns á mælendaskrá.

11. júlí 2009 14:59

Mest lesið

Fleiri fréttir