Brutust inn í gáma

Lögreglan á höfuðborgarsvæðinu var kölluð út vegna þriggja líkamsárása í miðborg Reykjavíkur í nótt. Þá var einnig tilkynnt um líkamsárás í Kópavogi. Allar árásirnar áttu sér stað við skemmtistaði. Lögreglan tók skýrslur af þeim sem voru á vettvangi en engin kæra liggur fyrir vegna árásanna.

Brotist var inn í gáma á tveimur stöðum á höfuðborgarsvæðinu í nótt. Annarsvegar í Sundagörðum og svo í Kópavogi. Það voru gangandi vegfarendur sem sáu til þjófanna og tilkynntu til lögreglunnar.

Þá voru tveir menn stöðvaðir vegna ölvunarakstur í nótt sem er í skárra fallinu að sögn lögreglunnar á höfuðborgarsvæðinu.