Innlent

Fjórir Íslendingar handteknir í mansalsmálinu

Lögreglan á Suðurnesjum hefur staðið að umfangsmiklum lögregluaðgerðum á höfuðborgarsvæðinu nú síðdegis vegna rannsóknar á ætlaðri skipulagðri glæpastarfsemi. Fjórir Íslendingar hafa verið handteknir og húsleitir gerðar á allmörgum stöðum að undangengnum dómsúrskurðum.

Þetta kemur fram í tilkynningu frá Lögreglunni á Suðurnesjum nú síðdegis. Þá segir að húsleitirnar hafi verið gerðar á heimilum, í fyrirtækjum og í annars konar húsnæði en þær aðgerðir standa enn yfir.

„Í aðgerðunum hefur lögregla lagt hald á bókhaldsgögn, skjöl og ýmsa muni til frekari rannsóknar. Ekki er útilokað að um frekari handtökur og húsleitir verði að ræða. Hinir handteknu, 3 karlmenn og 1 kona, verða yfirheyrðir en ekki liggur fyrir á þessari stundu hvort krafist verður gæsluvarðhalds yfir þeim. Við aðgerðirnar naut Lögreglan á Suðurnesjum aðstoðar lögreglumanna frá Lögreglunni á höfuðborgarsvæðinu, Lögreglustjóranum í Stykkishólmi og Ríkislögreglustjóranum" segir í tilkynningunni.


Tengdar fréttir

Konan frá Litháen fannst í Reykjavík

Litháíska konan sem Lögreglan á Suðurnesjum lýsti eftir í gær fannst í Reykjavík rétt fyrir miðnættið. Eftir umfjöllun fjölmiðla um málið barst lögreglunni ábending um hvar hún kynni að vera niðurkomin og var hún handtekin.

Sjötti maðurinn handtekinn - stúlkan aðeins 19 ára

Sjötti maðurinn, sem talinn er tengjast meintu mansalsmáli á Suðurnesjum, verður yfirheyrður í dag. Litháíska stúlkan sem kom hingað til lands, hugsanlega til að stunda vændi, er nítján ára. Maðurinn, sem einnig er Lithái og búsettur hérlendis, var handtekinn í gærkvöldi. Hann er nú í haldi lögreglu og verður yfirheyrður síðdegis. Í framhaldinu verður tekin ákvörðun um hvort óskað verði eftir gæsluvarðhaldsúrskurði yfir honum.

Konan sem trylltist horfin - lýst eftir henni og einum Litháanna

Lögreglan á Suðurnesjum lýsir eftir litháískri konu sem grunur leikur á að sé fórnarlamb mansals. Konan ferðaðist hingað til lands undir nafninu Ieva Grisiúte en talið er að ferðaskilríkin sem hún framvísaði séu stolin.

Mest lesið


Fleiri fréttir

Sjá meira


×

Mest lesið