Innlent

Borgarholtsskóli rýmdur vegna sprengjuhótunar

Jón Hákon Halldórsson skrifar
Borgarholtsskóli var rýmdur.
Borgarholtsskóli var rýmdur. MYND/Pjetur

Borgarholtsskóli í Grafarvogi var rýmdur fyrir stundu og er fjölmennt lögreglulið statt við skólann núna. Að sögn vaktstjóra hjá Slökkviliði höfuðborgarsvæðisins er um sprengjuhótun að ræða.

Geir Jón Þórisson, yfirlögregluþjónn hjá lögreglunni á höfuðborgarsvæðinu, segir að sérfræðingar í sprengjuleit á vegum ríkislögreglustjóra muni leita að sprengjum í skólanum samkvæmt hefðbundnu fyrirkomulagi.

Samkvæmt upplýsingum Vísis eru um 10 til fimmtán lögreglubílar og -hjól við skólann. Þá er einn dælubíll frá slökkviliðinu þar og tveir sjúkrabílar á leiðinni.












Tengdar fréttir

Sprengjuleitarmenn komnir í Borgarholtsskóla

Sprengjubíll frá ríkislögreglustjóra er kominn upp í Borgarholtsskóla og verður gerð leit að sprengjunni á næstu mínútum. Samkvæmt upplýsingum frá fréttamanni Stöðvar 2 og Vísis sem er er á staðnum er töluverður viðbúnaður þar. Fjölmargir lögreglubílar og -hjól hafa verið send á staðinn. Þá var dælubíll frá slökkviliðinu og tveir sjúkrabílar sendir á staðinn. Sprengjuhótunin barst símleiðis laust eftir hádegið í dag.

Nemendur þurftu að skilja eftir allar eigur og hlaupa út

Varaformaður nemendafélags Borgarholtsskóla segir nemendur hafa þurft að rýma skólann á augabragði. Sumir þurftu að skilja bíl- og húslykla og önnur verðmæti eftir inni í skólanum svo rýmingin gengi hratt fyrir sig.

Mest lesið


Fleiri fréttir

Sjá meira


×

Mest lesið