Jóhanna: Ekki hætta á þjóðargjaldþroti

Jóhanna Sigurðardóttir, forsætisráðherra, segir engar líkur vera á þjóðargjaldþroti með Icesave-samningunum. Hún sagði mjög sérkennilegt að halda öðru fram. Verið sé að hræða þjóðina. Þetta kom fram í máli Jóhönnu á Alþingi við fyrirspurn Péturs Blöndal, þingmanns Sjálfstæðisflokksins.

Jóhanna vísaði öryggisákvæði í samningunum. „Ef gjaldþol þjóðarinnar verður með þeim hætti þegar kemur að því Ísland þarf hugsanlega að fara að greiða eftir sjö ár þá er miðað við að gjaldþolið verði ekki meira en það var í nóvember 2008."

Jóhanna sagði mjög sérkennilegt að reynt sé að halda því fram að hægt sé að gera aðför að eigum ríkisins með samkomulaginu. „Þetta er auðvitað fráleitt og svo langsátt að ég skil ekki hvað vakir fyrir þeim sem setja slíkt fram."

„Það er greinilegt að forsætisráðherra hefur ekki kynnt sér áhættugreiningu í tengslum við þennan samning," sagði Pétur.