Ummæli Davíðs ómakleg og óverðskulduð

29. mars 2009 12:46

Geir. H. Haarde formaður Sjálfstæðisflokksins sagði á landsfundi Sjálfstæðiflokksins í morgun að ummæli Davíðs Oddssonar í gær í garð Endurreisnarnefndar flokksins og formanns hennar væru ómakleg og óverðskulduð. Geir kvaddi sér óvænt hljóðs til þess að mótmæla ummælum Davíðs. Þetta kemur fram á Eyjunni í dag.

Í ræðu Davíðs Oddssonar í gær vék hann orðum sínum að skýrslu Endurreisnarnefndar flokksins sem hann sagði hrákasmíði. Hann sagðist einnig sjá eftir þeim trjágróðri sem notaður var í að prenta skýrsluna. Einnig sagði hann skjóta skökku við að sá sem ætti að semja siðareglur fyrir Sjálfstæðisflokkinn væri sami maður og var ráðinn framkvæmdarstjóri Samtaka atvinnulífsins af Jóni Ásgeiri, Hreiðari Má og Hannesi Smárasyni. þar átti hann við Vilhjálm Egilsson.

Geir sagði í ræðu sinni í morgun að á sínum tíma hefði hann gefið Vilhjálmi Egilssyni bestu meðmæli í starfið en Vilhjálmur var þá ráðuneytisstjóri. Hann sagði ummæli Davíðs ómakleg og óverðskulduð.

Geir lagði einnig til að ályktun endurreisnarnefndar yrði borin upp á ný fyrir fundinn til samþykktar til að árétta stuðning landsfundarins við efni hennar og nefndina. Var það samþykkt með dynjandi lófataki.

Tengdar fréttir

Ræða Davíðs í heild sinni - myndband

Davíð Oddsson sagði meðal annars í merkilegri ræðu sinni á landsfundi Sjálfstæðisflokksins að ekki væri við nýjan seðlabankastjóra að sakast þó hann væri ókunnugur öllu sem hér hefði verið að gerast undanfarið. Það hafi hinsvegar ekki verið traustvekjandi þegar hann sagðist ekki muna eftir því hvenær fyrst var rætt við hann um starfið á fyrsta blaðamannafundi sínum. Það væri í senn sérkennilegt og mjög alvarlegt.

28. mars 2009 19:00

Segir ummæli Davíðs ómakleg

Vilhjálmur Egilsson formaður samtaka atvinnulífsins segir ummæli Davíðs Oddssonar á landsfundi flokksins hafa verið ómakleg en hann láti þau ekki hafa áhrif á sig. Davíð sagði skýrslu Endurreisnarnefndar flokksins sem Vilhjálmur stýrði vera hrákasmíð og hann sæi eftir þeim trjágróðri sem notaður var í prentun skýrslunnar. Vilhjálmur segir að með þessu sé Davíð að gera lítið úr þeim 80 einstaklingum sem stóðu að skýrslunni.

28. mars 2009 19:07

Líkti starfslokum sínum við krossfestingu Krists

Davíð Oddsson hélt ræðu á landsfundi Sjálfstæðisflokksins fyrir stundu sem endaði með dúndrandi lófataki viðstaddri. Davíð fór um víðan völl og talaði meðal annars um aðgerðarleysi minnihlutastjórnarinnar auk þess sem hann sagði Björgvin G. Sigurðsson eiga drengjamet í að leka upplýsingum í fjölmiðla. Hann sagði Jóhönnu Sigurðardóttur líta dálítið út eins og álfur út úr hól og ræddi einnig um starfslok sín í Seðlabankanum, sem hann líkti við krossfestingu Krists.

28. mars 2009 17:05

Mest lesið

Fleiri fréttir