Kristján Gauti: Tilboð sem ég get ekki hafnað

Kristján Gauti Emilsson mun líklega skrifa undir samning við enska úrvalsdeildarfélagið Liverpool í næstu viku.

Hann fór utan um miðjan mánuðinn og æfði með félaginu í viku. Það gekk vel og bauð félagið honum samning.

Kristján Gauti mun væntanlega fara út með fjölskyldu sinni í næstu viku og ganga frá samningum. Hann er sextán ára gamall en kom við sögu í þremur leikjum FH í Pepsi-deild karla í sumar.

„Það var planið hjá mér að vera áfram heima í einhver ár til viðbótar en þá kom þetta tilboð sem ég gat ekki hafnað," sagði Kristján Gauti.

„Þarna eru aðstæður eins og þær gerast bestar og ég tel að ég muni geta bætt mig mikið sem knattspyrnumann hjá félaginu," bætti hann við en nánar verður rætt við hann í Fréttablaðinu á morgun.