Leiðtogar taki höndum saman í baráttunni gegn loftslagsbreytingum

Framkvæmdastjóri Sameinuðu þjóðanna fer þess á leit við leiðtoga heims að þeir taki höndum saman í baráttunni gegn loftslagsbreytingum. Bón hans var borin fram með tilfinningaþrungnum hætti á norðurheimskautsbaugi.

Ban Ki-moon, framkvæmdastjóri Sameinuðu þjóðanna, hefur lagt mikla áherslu á baráttuna gegn loftslagsbreytingum og að samstaða náist meðal þjóðarleiðtoga á loftslagsráðstefnunni í Kaupmannahöfn í desember þar sem ákveðið verður með framhaldið í loftslagsmálum eftir að Kyoto-sáttmálinn rennur út 2012.

Ban sigldi frá Ósló í gær með ísbrjót norsku strandgæslunnar að norðurheimskautsbaug þar sem hann vildi sjá áhrif loftslagsbreytinga og bráðnun íshellunnar.

Fulltrúar Alþjóða náttúrulífssjóðsins eða World Wildlife Fund lagði áherslu á áhrif bráðnunar íshellunnar með gjörningi við tónlistarhúsið við Gendarmenmarkt-torg í Berlín í Þýskalandi í dag. Höggmyndum úr ís var komið þar fyrir.