Keppum ekki til að drulla á okkur

„Við tókum frí um helgina og erum að byrja að æfa atriðið á fullu því við ætlum að gera það flottara og betra," svarar Hildur Magnúsdóttir söngkona í hljómsveitinni Elektru sem komst í úrslit Júróvisjón með lagið Got no love eftir Örlyg Smára.

„Ég og Rakel hringdum í stelpurnar í bandinu. Það voru ekki margar stelpur sem við vissum um á Íslandi sem voru að spila. Júróvisjón varð til þess."

„Við vorum alltaf með þessa hugmynd í kollinum. Og þær tóku allar vel í þetta," segir Hildur aðspurð hvernig bandið varð til.

Semur ykkur vel? „Alveg furðulega vel. Það er lygilegt. En við höfum ekki unnið lengi saman. Þetta lofar mjög góðu," svarar Hildur. 

Stefnið þið á sigur? „Að sjálfsögðu reynum við það. Maður er ekki í keppni til að drulla á sig. Við gerum okkar besta og vonandi senda Íslendingar okkur til Rússlands." 

„Við munum allavega æfa okkur ógeðslega mikið og gera þetta flott," segir Hildur.

Úrslitakeppnin fer fram 14. febrúar næstkomandi.