Sjöundi maðurinn handtekinn vegna skartgriparáns í Bretlandi

Sjöundi maðurinn hefur verið handtekinn vegna stærsta skartgripaþjófnaðar Bretlands í Graff skartgripaversluninni á dögunum.

Lögreglan fór á miklar mannaveiðar eftir ránið og sendi út myndir úr öryggismyndavélum. Á myndbandinu sáust mennirnir heimsækja búðina, tveimur dögum fyrir ránið.

Rannsakendur glæpavettvanga hafa verið að skoða tvo bíla og mótorhjól sem talið er að hafi verið að notað til að komast undan að ráninu loknu. Einnig er verið að rannsaka skambyssu sem notuð var við ránið sem og búnað til að útbúa dulargervi.

Mennirnir komu í svörtum leigubíl á staðinn þar sem ránið átti sér stað. Þeir skipuðu starfsstúlku að láta 43 skartgripi í poka. Þegar þeir fóru út úr búðinni skutu þeir í átt að öryggsverði, áður en þeir stukku upp í bláan BMW.

Þeir réttu mótorhjólamanni varninginn rétt áður en þeir lentu í árekstri við leigubíl. Þá reyndu óbreyttir borgarar að blanda sér í málin en mennirnir skutu viðvörunarskotum upp í loft svo fólkið hörfaði. Því næst stigu þeir upp í silfurlitaðan Mercedes Benz.

Mennirnir hafa allir verið úrskurðaðir í gæsluvarðhald og koma fyrir dómara þann 23. október næstkomandi.