Essien spenntur fyrir Barca og Real.

Ghanamaðurinn Michael Essien er opinn fyrir tilboðum frá Barcelona og Real Madrid að því er umboðsmaður hans segir. Sá segir að það gæti verið einum of freistandi að sleppa tækifærinu ef annað hvort þessara félaga myndi banka á dyrnar.

„Það hafa nokkur félög sýnt Michael áhuga. Hann er mjög ánægður hjá Chelsea en fótbolti er fótbolti og ef lið eins og Real Madrid eða Barcelona sýnir áhuga þá þarf að setjast niður og skoða málin vel," sagði umbinn við hið skemmtilega blað, Kick Off Ghana.

Chelsea er ekki talið sætta sig við neina smásummu fyrir miðjumanninn sterka sem hefur verið algjör lykilmaður hjá Chelsea síðustu ár.