Moggaviðtal við Bjarna aldrei birt

Viðtal sem tekið var við Bjarna Benediktsson, formann Sjálfstæðisflokksins, og stóð til að birta í sunnudagsblaði Morgunblaðsins í haust birtist aldrei þar sem Bjarni var ósáttur með efnistök blaðamannsins sem tók viðtalið.

„Eins og gerist stundum var Bjarni ekki sáttur með viðtalið þannig að það birtist ekki. Hann var ósáttur með áherslurnar sem ég lagði upp með," segir Kolbrún Bergþórsdóttir, blaðamaður Morgunblaðsins, sem tók umrætt viðtal við flokksformanninn.

Kolbrún segir að Bjarni hafi greint sér frá því hvað hann væri ósáttur með. Hún ætli þó ekki að tjá sig um það.

Kolbrún segir að það sé óalgengt að viðmælendur í viðtölum eins og þessum vilji ekki að viðtölin birtist. Það komi þó stundum fyrr. „Við fórum yfir málið í vinsemd og hvorugt okkar var með einhver læti og þetta var niðurstaðan. Svona hlutir gerast og það er enginn kali af minni hálfu."