„Ég hef aldrei farið fram á að Hreinn Loftsson stöðvaði fréttaflutning DV," segir Bjarni Benediktsson, formaður Sjálfstæðisflokksins.
Fréttavefur DV greindi frá því í dag að Bjarni Benediktsson, formaður Sjálfstæðisflokksins, hafi óskað eftir því við Hrein Loftsson útgefanda DV að blaðið hætti umfjöllun um tengsl hans við fjárfestinga Makaó.

Bjarni segist hafa hringt í Hrein vegna fréttaflutnings DV. Ætlun sín hafi einfaldlega verið sú að segja eiganda blaðsins skoðun sína á óásættanlegum vinnubrögðum blaðamanns og útskýra fyrir honum í hverju hann teldi rangfærslur þess liggja.

„Áður en ég hafði haft tök á að fara yfir samskipti mín við blaðið æsti Hreinn sig, sagðist ekki lúta mínu boðvaldi og sagði mér að eiga samskipti um þetta við ritstjórn blaðsins. Að svo búnu skellti hann á," segir Bjarni Benediktsson í yfirlýsingu sem hann hefur sent fjölmiðlum.