Innlent

Hefðu ekki getað afstýrt árekstri

Aðeins tilviljun réði því að ekki varð árekstur milli farþegaþotu Icelandair og svifvængsflugmanns yfir Bláfjöllum fyrr í mánuðinum, að sögn talsmanns rannsóknarnefndar flugslysa, en frumrannsókn er á lokastigi.

Þorkell Ágústsson hjá rannsóknarnefnd flugslysa segir að nú sé búið að skoða ratsjárgögn og GPS ferla og litið sé á þetta á þetta sem alvarlegt flugatvik.

Sviffvængsflugmaðurinn hóf flugið í Kömbunum og nýtti uppstreymi til að lyfta sér upp. Undir 3.000 feta hæð þurfti hann ekki að tilkynna sig en hann barst hins vegar upp í 6.000 feta hæð án þess að láta flugstjórnarmiðstöð vita, eins og honum bar svo hátt uppi. Flugmenn þotu Icelandair á yfir 500 kílómetra hraða á leið til lendingar í Keflavík sáu svifvænginn aðeins örskotsstundu áður en þeir mættu honum yfir skíðasvæðinu í Bláfjöllum og hefðu ekki haft neitt ráðrúm til að afstýra árekstri, að sögn Þorkels.

Frumrannsóknin sýnir að loftförin voru í sömu hæð og voru 800 til 1.000 metrar á milli þeirra. Telur Þorkell að aðeins tilviljun hafi ráðið því að þarna varð ekki árekstur. Flugmaður svifvængsins lýsti atvikinu svo fyrir félögum sínum að hann hefði getað veifað flugmönnum þotunnar.






Tengdar fréttir

Gat veifað flugmönnum þotunnar

Svifvængsflugmaður sem nærri varð fyrir farþegaþotu yfir Bláfjöllum lýsti atvikinu svo að hann hefði getað veifað flugmönnum þotunnar. Rannsóknarnefnd flugslysa fer nú yfir ratsjárgögn vegna málsins.

Flaug næstum því á fallhlífarstökkvara

Litlu munaði að farþegaþota Icelandair, sem var að koma inn til lendingar á Keflavíkurflugvelli síðustu helgi, rækist á fallhlífarstökkvara.

Háloftaslys: Einstakt tilfelli

„Menn komast alveg upp í þriggja kílómetra hæð á svifvængnum," segir formaður Fisfélags Reykjavíkur, Ágúst Guðmundsson, en liðsmaður félagsins varð næstum fyrir farþegaþotu þar síðustu helgi.

Mest lesið


Fleiri fréttir

Sjá meira


×

Mest lesið