Flaug næstum því á fallhlífarstökkvara

Litlu munaði að farþegaþota Icelandair, sem var að koma inn til lendingar á Keflavíkurflugvelli síðustu helgi, rækist á fallhlífarstökkvara.

Vélin var að koma frá Osló síðastliðinn sunnudag og var fljúga yfir sandskeið á rúmlega 500 kílómetra hraða á klukkustund þegar atvikið átti sér stað.

Flugmenn vélarinnar tóku þá skyndilega eftir fallhlífarstökkvara hættulega nálægt vélinni.

Sandskeið er vinsælt æfingasvæði fallhlífastökkvara en flugmenn farþegavélarinnar höfðu ekki fengið upplýsingar um að æfingar væru í gangi þegar þeir flugu inn yfir svæðið.

Ekki hefði þurft að spyrja að leikslokum ef maðurinn hefði lent á vélinni. Þá er einnig óvíst hvort vélin hefði þolað áreksturinn.

Málið þykir alvarlegt og var tilkynnt til flugmálarstjórnar og sem Rannsóknarnefndar flugslysa. Þær upplýsingar fengust hjá Flugmálastjórn að verið sé afla gagna í málinu en formleg rannsókn sé ekki hafin.