Samferðarmenn dauðans

Illa lyktandi, feitt og síhóstandi fólk eru verstu samferðarmenn í flugi sem fyrirfinnast. Að minnsta kosti ef eitthvað er að marka glænýja könnun vefsíðunnar Travelocity. Þar svöruðu 1.592 Bandaríkjamenn nokkrum spurningum um hvað þeim þætti verst við að ferðast með flugvél og voru margir þeirra ómyrkir í máli þegar kom að því að fjalla um aðra farþega. Vond lykt af farþegum þykir einna verst, um það voru tæp 50 prósent sammála. Í öðru sæti lentu hóstandi og hnerrandi samferðarmenn en frjálslega vaxnir vermdu það þriðja. Þegar spurt var sérstaklega út í þann hóp voru 44 prósent á því að hinir þyngri ættu að fá aukasæti ókeypis en 39 prósent voru hörð á því að greitt skyldi fyrir aukasætið og hana nú.