Tiger Woods útskrifaður af spítala

Golfarinn Tiger Woods hefur verið útskrifaður af spítala eftir að hann lenti í bílslysi í dag. Hann ók á brunahana og þaðan á tré þegar hann var að bakka út úr innkeyrslunni á heimili sínu í Flórída.

Fyrstu fregnir voru þær að Tiger væri alvarlega slasaður, svo virðist þó ekki vera. Golfarinn hlaut skrámur og áverka í andliti samkvæmt Orlando Sentinel. Svo virðist sem Tiger hafi ekki verið á miklum hraða því loftbelgur bílstjóramegin blés aldrei út.

Málið er til rannsóknar hjá lögreglunni í Flórída en samkvæmt yfirvöldum þá er hann ekki grunaður um að hafa verið ölvaður.