- verður &

Bókaforlagið Bjartur-Veröld hefur tekið ákvörðun um að skipta um nafn á forlaginu og heitir nú Bjartur & Veröld. Í tilkynningu frá forlaginu segir að breytingin hafi verið gerð til að „undirstrika að um sé að ræða tvö sjálfstæð bókaforlög, með mismunandi útgáfustefnu, sem þó starfi náið saman."

Þá er bent á að forlögin tvö eigi sér mislanga sögu. „Fyrsta bókin sem kom út undir merkjum Bjarts leit dagsins ljós árið 1990 en Veröld hóf göngu sína árið 2005. Árið 2007 sameinuðust þessi ólíku forlög."

„Útgáfustjóri Bjarts er Guðrún Vilmundardóttir og útgáfustjóri Veraldar er Bjarni Þorsteinsson. Útgefandi Bjarts & Veraldar er Pétur Már Ólafsson," segir einnig. Snæbjörn Arngrímsson, stofnandi Bjarts, dró sig hins vegar út úr forlaginu á nýliðnu ári til að einbeita sér að bókaútgáfu á Norðurlöndunum.