Innlent

Meirihlutinn starfar áfram - nýr bæjarstjóri kynntur eftir helgi

Magnús Már Guðmundsson skrifar
Oddvitar meirihlutans í Kópavogi. Ómar Stefánsson og Gunnar Birgisson.
Oddvitar meirihlutans í Kópavogi. Ómar Stefánsson og Gunnar Birgisson. Mynd/Vilhelm Gunnarsson

Ómar Stefánsson, bæjarfulltrúi Framsóknarflokksins, segir að nýr bæjarstjóri í Kópavogi verði kynntur til leiks á mánudaginn. Hann segir enga óvissu vera við stjórn bæjarfélagsins.

Bæjarfulltrúar meirihlutans komu saman í hádeginu og ræddu stöðuna sem upp er komin en Gunnar Birgisson hefur ákveðið að víkja sem bæjarstjóri vegna viðskipta bæjarfélagsins við fyrirtæki í eigu dóttur hans.

Ómar segir að fulltrúaráð beggja flokka verði boðað til fundar næstkomandi mánudag. Hann segir að ekki liggi fyrir hver taki við af Gunnari. „Það verður að minnsta kosti ekki framsóknarmaður og ekki ég. Það er það eina sem ég veit,“ segir oddvitinn.

Ómar segir enga óvissu ríkja við stjórn bæjarfélagsins en vissuleg hafi verið óróleiki innan bæjarstjórnar undanfarin misseri. „Það er engin óvissa í gangi. Gunnar Birgisson er bæjarstjóri og það er ekki nein óvissa um það,“ segir Ómar.




Tengdar fréttir

Guðríður: Of mörgum spurningum ósvarað

Guðríður Arnardóttir, bæjarfulltrúi Samfylkingarinnar í Kópavogi, segir að enn sé of mörgum spurningum ósvarað varðandi brotthvarf Gunnars Birgissonar úr stól bæjarstjóra. Krafa minnihlutans hafi verið sú að Gunnar léti af ábyrgðarstörfum fyrir Kópavog.

Ólafur Þór: Ákveðin kaflaskil

„Þetta eru ákveðin kaflaskil fyrir sveitafélagið, hinsvegar á ég erfitt með að sjá hvernig þeir ætla að starfa áfram með Gunnar innanborðs,“ segir Ólafur Þór Gunnarsson, bæjarfulltrúi Vinstri Grænna í Kópavogi um þær fréttir að Gunnar hyggist víkja úr sæti bæjarstjóra. Hann segir þó vandamálum Sjálfsstæðisflokksins í Kópavogi hvergi nærri lokið.

Eftirsjá að Gunnari

„Það er mikil eftirsjá að Gunnari ef það er satt að hann ætli að víkja," segir Sigurrós Þorgrímsdóttir, forseti bæjarstjórnar Kópavogs.

Vissi ekki af ákvörðun Gunnars

Gunnsteinn Sigurðsson, bæjarfulltrúi Sjálfstæðisflokksins í Kópavogi og annar maður á lista flokksins í síðustu bæjarstjórnarkosningum, hafði ekki heyrt að Gunnar I. Birgisson ætli að víkja sem bæjarstjóri þegar fréttastofa náði tali af honum.

„Meirihlutasamstarfið stendur traustum fótum eins og alltaf“

Oddvitar Framsóknarflokks og Sjálfstæðisflokks í Kópavogi funduðu í morgun um stöðu mála í bæjarpólitíkinni. Ómar Stefánsson, formaður bæjarráðs og bæjarfulltrúi Framsóknarflokksins, vildi í samtali við fréttastofu ekki tjá sig um niðurstöðu fundarins.

Gunnar hættir sem bæjarstjóri: Kominn tími á kónginn

„Ég lagði það til á fundinum í gær með mínum flokksfélögum að það væri kominn tími á kónginn,“ segir Gunnar Birgisson sem fyrir skemmstu lauk fundi með Ómari Stefánssyni, bæjarfulltrúa Framsóknarmanna í Kópavogi og samstarfsfélaga Gunnars í meirihlutanum í Kópavogi. Niðurstaða þess fundar var sú að Gunnar hættir sem bæjarstjóri.

Mest lesið


Fleiri fréttir

Sjá meira


×

Mest lesið