Innlent

Olís tekur hækkun til baka

Hafsteinn Gunnar Hauksson skrifar
Olís tók hækkunina síðan í gær til baka. Verð á mynd eru úrelt.
Olís tók hækkunina síðan í gær til baka. Verð á mynd eru úrelt. Mynd/Valli
Olís hefur ákveðið að lækka bensínverð hjá sér um 12,5 krónur á lítra. Fyrirtækið tekur þar með tímabundið á sig hækkun vörugjalda á bensín sem tók gildi 28. maí síðastliðinn.

Vörugjaldahækkunin náði ekki til birgða olíufyrirtækjanna heldur einungis eldsneytis sem flutt var inn eftir að lögin tóku gildi. Innfluttar birgðir Olís kláruðust á undan hinum olíufyrirtækjunum og var Olís fyrsta fyrirtækið til að hækka verð hjá sér í gær.

Nú hefur fyrirtækið ákveðið að lækka verðið aftur af samkeppnisástæðum, að því er kemur fram í tilkynningu.


Tengdar fréttir

Olís hækkar bensínverð um 12,5 krónur

Olís hækkaði í dag verð á öllu bensíni um 12,5 krónur. Hækkunin er tilkomin vegna breytinga á vörugjöldum sem tóku gildi þann 28. maí síðastliðinn. Þær bensínbirgðir sem félagið átti fyrir hækkunina kláruðust að sögn 18. Júní síðastliðinn, en síðan þá hefur fyrirtækið tvisvar flutt inn bensín.

Mest lesið


Fleiri fréttir

Sjá meira


×

Mest lesið