SÞ skóla á nýjan leik á Gaza

Sameinuðu þjóðirnar opnuðu í morgun aftur skóla á Gaza svæðinu sem lokað var þegar árásir Ísraela á svæðið hófust rétt fyrir áramót. Búist er við að um tvö hundruð þúsund palestínsk börn setjist þar aftur á skólabekk.

Tilkynnt var um skólaopnunina eftir að Ísraela greindu frá því í gær að erlendum hjálparstarfsmönnum og starfsfólki Sameinuðu þjóðanna yrði aftur leyft að fara inn á Gaza. Hjálparsamtök fagna þeirri ákvörðun og segja starfið sem framundan sé á Gaza gríðarlega umfangsmikið. Endurreisa þurfi fjölmörg heimili og einnig moskur og skóla.