Hannes tapaði áfrýjuninni

Hæstiréttur staðfesti í dag úrskurð héraðsdóms Reykjavíkur frá 23. júní vegna húsleitar að heimili Hannesar Smárasonar.

Héraðsdómur Reykjavíkur hafði hafnað kröfu Hannesar Smárasonar á hendur Ríkislögreglustjóra en Hannes fór fram á að húsleitin og haldlagning gagna á heimili hans yrði dæmd ólögleg.

Húsleitin var gerð þann 3. júní síðastliðinn á heimilum Hannesar að Fjölnisvegi 9 og 11 en rannsókn efnahagsbrotadeildar Ríkislögreglustjóra beinist að hugsanlegum skattalagabrotum félaga tengdum Hannesi.

Hannes áfrýjaði úrskurði héraðsdóms en hafði ekki erindi sem erfiði, þar sem hæstiréttur staðfesti úrskurðinn.