Gæsluvarðhalds krafist yfir fjórmenningunum vegna íkveikjunnar

Þrír karlmenn og kona eru í haldi lögreglu grunuð um að hafa kveikt í húsi við Kleppsveg í morgun. Karlmaður á miðjum aldri náði að forða sér út úr logandi húsinu. Lögregla ætlar að krefjast gæsluvarðhalds yfir fólkinu.

Slökkviliðið á höfuðborgarsvæðinu barst tilkynning á níunda tímanum í morgun um að eldur logaði í húsinu sem er á horni Langholtsvegar og Kleppsvegar. Þegar slökkviliðið kom á vettvang var töluverður eldur í húsinu sem teygði hann sig upp í ris hússins.

Karlmaður á miðjum aldri var inni í húsinu þegar eldurinn kviknaði. Hann komist út af eigin rammleik áður en lögregla og slökkvilið komu á staðinn og sakaði hann ekki. Húsið er talið nánst ónýtt.

Lögregla handtók þrjá karla og konu strax á staðnum en fólkið sem er allt á þrítugsaldri er grunað um að hafa helt bensíni innandyra og kveikt í. Þau hafa öll komið við sögu lögreglu.