Ekkert undir James Brown

Dómari í Suður-Karólínu hefur skipað meintri ekkju James Brown að senda sex ára son sinn, sem hún segir undan sálarkónginum, í DNA próf.

Lögfræðingar sem sjá um dánarbú söngvarans efast um að drengurinn sé rétt feðraður. Talsmenn konunnar, Tomi Rae Hynie, segja hinsvegar að Brown hafi sjálfur gengist við drengnum. Það sanni meðal annars bréf sem þeir hafi undir höndum.

Andre White, góðvinur Brown sem var með honum á dánarstundinni, segir þetta tæpast geta staðist. Hann sagði í viðtali fyrir nokkru að nánustu vinir söngvarans hefðu allir vitað að það væri löngu búið að taka hann úr sambandi.