Bráðavaktarstjarna vill fá að deyja

Maura Tierney vill láta drepa sig. Hún hefur því stungið upp á því við framleiðendur Bráðavaktarinnar að þeir slátri persónu hennar, Dr. Abby Lockart.

Í viðtali við AOL sagði Tierney að hún hefði skemmt sér vel þau tíu ár sem hún hefur leikið í þáttunum. Henni þætti þó nóg komið, og hún væri til í að snúa sér að öðru.

Framleiðendum líst sérstaklega illa á að drepa eina vinsælustu persónu þáttanna, og verður Tierney því ekki að ósk sinni. Hún þarf þó ekki að hanga lengi á Bráðavaktinni, fimmtánda og síðasta þáttaröðin verður tekin upp á næsta ári.