Dr Gunni fær Íslensku neytendaverðlaunin

Dr Gunna verða nú klukkan ellefu veitt Íslensku neytendaverðlaunin við hátíðlega athöfn á Grand Hóteli. Þar fer nú fram ráðstefnan „Ný sókn í neytendamálum" á vegum viðskiptaráðuneytisins. Ráðstefnan fjallar um um stöðu neytendamála á Íslandi og er Gunni er einn ræðumanna þar, sem fulltrúi hins virka neytenda.

Doktorinn hefur á Okursíðu sinni unnið ötullega að því að kynna landanum okrið sem hann býr við. Ábendingarnar á síðunni frá píndum almúga eru orðnar hátt í sex hundruð, og fá allir frá klukkubúðum til banka, bílaumboða og kaffihúsa á baukinn.