Ráðstafanir gerðar fyrir utanríkisviðskipti

Geir fór yfir atburði síðustu daga og sagði þá hafa verið örlagaríka fyrir Íslendinga. Hann vissi að margir sem hlustuðu á hann væru óttaslegnir og fullir óvissu um það sem fram undan væri. Þetta væri skiljanlegt vegna þess að efnahagslífið og samfélagið allt gengi í gengum meiri breytingar en dæmi séu um í seinni tíð. Það megi ekki gleyma því að þegar rykið sest muni íslenska þjóðarbúið vera miklu sterkara en áður og vonandi eðlilegra og heilbrigðara. Á meðan á þessu stæði yrði íslenska þjóðin hins vegar að standa saman og standa styrkum fótum.

Þá fór hann yfir yfirtöku Fjármálaeftirlitsins á Glitni og sagði það ferli hafa gengið hratt og snuðrulaust fyrir sig. Viðskiptavinir gætu í allan dag geta gengið að venjulegri bankaþjónustu eins og gert hefði verið ráðherra. Ítrekaði Geir að innistæður í bönkum og sparisjóðum væru fullkomlega tryggar.

Þá vísaði Geir til yfirlýsingar sem hann hefði sent frá sér í framhaldi af óvissuástandi eftir að Gordon Brown, forsætisráðherra Bretlands, og Alistair Darling, fjármálaráðherra hefðu sagst myndu fara í mál við ríkið vegna Icesave-reikninga Landsbankans í Bretlandi. Ríkisstjórnir landanna væru að meta stöðuna og leita viðunandi lausn fyrir alla. Þá sagði Geir að góðar líkur væru á að eignir Landsbankans dygðu til að standa undir stærstum hluta Icesave-innistæða.

Þá sagði Geir að samtöl hefðu átt sér stað milli embættismanna Bretlands og Íslands og sagði Geir mikivægt að unnið yrði að lausn en að skeytasendingar yrðu ekki fleiri.

Þá sagði hann hafa borið á hnökrum á erlndum viðskiptum ísklenskra fyrirtækja. Seðlabankanum hefði verið falið að gera ráðstafanir að öll viðskipti gætu farið fram með eðlilegum hætti. Gengið yrði frá ábyrgðaryfirlýsingum til viðbótar yfirlýsingum viðskiptabanka. Seðlabankinn hefði jafnframt og myndi tryggja að strax eftir helgi yrðu öll venjuleg bankaviðskipti milli landa komin í eðlilegt horf. Verið væri að semja við erlenda banka um það og það væri mjög mikilvægt.