Innlent

Veðhafi leysir fyrirhugað áfangaheimili til sín

Magnús Már Guðmundsson skrifar
Ráðhúsið í Reykjavík.
Ráðhúsið í Reykjavík.

Byr sparisjóður leysir líklega í dag til sín eignir þrotabús Í skilum sem meðal annars á fasteignirnar Hólavað 1 til 11 en Reykjavíkurborg hyggst opna þar áfangaheimili í haust.

Seinustu daga hefur verið fundað stíft um eignirnar samkvæmt Guðmundi Kristjánssyni, skiptastjóra þrotabúsins. ,,Veðhafarnir ráða ferðinni þar sem eignirnar eru yfirveðsettar en ég hugsa að gengið verði frá þessu í dag og einn veðhafanna leysi eignirnar til sín."

Raðhúsin í Hólavaði eru eigu Í skilum sem tekið var til gjaldþrotaskipta 8. apríl. Sigtryggur A. Magnússon, eigandi Í skilum, keypti í kjölfarið fyrirtækið Hagur.

í yfirlýsingu sem dagsett er 25. júní og skrifuð er af Sigtryggi vegna húsanna í Hólavaði og lögð var fyrir borgarráð 26. júní segir að samkomulag Hags og Heilsuverndarstöðvarinnar sé ,,óbreytt og fyrirséð að það samkomulag muni standa."

Meirihluti Sjálfstæðisflokks og F-lista lagði í kjölfarið fram bókun þar sem segir að húsnæðið standi ,,til boða eins og áður og verður afhent á réttum tíma."

Fyrirhugað áfangaheimili verður starfrækt í Hólavaði 1-11 í Norðlingaholti.

SÁÁ og Vinstri-grænir hafa gagnrýnt ákvörðun velferðarráðs Reykjavíkur að ganga til samninga við Heilsuverndarstöðina um rekstur áfangaheimilisins.

Jórunn Frímannsdóttir, formaður velferðarráðs, og Stella Víðisdóttir, sviðsstjóri velferðarsviðs, hafa rökstutt ákvörðunina og sagt skipta máli að Heilsuverndarstöðin hafi haft til taks ,,afar hentugt húsnæði fyrir umrædda starfsemi."

Velferðarsvið sendi frá sér tilkynningu í gær þar sem segir að áfangaheimilið opni ekki nema húsnæðið verði tryggt.









 


Tengdar fréttir

Þorleifur: Borgarráð var blekkt

Þorleifur Gunnlaugsson segir að borgarráð hafi verið blekkt þegar yfirlýsing frá Heilsuverndarstöðinni og Hag var lögð fyrir ráðið 26. júní síðastliðinn.

Segir sviðsstjóra pólitíska aðstoðarkona

Þorleifur Gunnlaugsson, borgarfulltrúi VG, segir Jórunni Frímannsdóttir hafa fengið sviðsstjóra velferðarsviðs Reykjavíkur með sér í ,,pólitískan slag" en saman hafa þær skrifað greinar um búsetuúrræði með félagslegum stuðningi.

Áfangaheimili opnar ekki nema húsnæði verði tryggt

Velferðarsvið Reykjavík hefur ekki lokið við gerð samnings við Heilsuverndarstöðina um rekstur áfangaheimilis í Hólavaði í Norðlingaholti þar sem ekki liggur endanlega fyrir hvort umrætt húsnæði sé til ráðstöfunar þar sem það er nú í eigu þrotabús.

Eðlilega staðið að samningi um áfangaheimili

Innri endurskoðun Reykjavíkurborgar telur málefnalegar forsendur liggja að baki ákvörðun velferðarráðs að semja við Heilsuverndarstöðina/Alhjúkrun um áfangaheimili fyrir einstaklinga eftir meðferð.

Óvissa með húsnæði áfangaheimilis

Eigandi húsnæðis sem Heilsuverndarstöðin ætlar að nýta sem áfangaheimili í raðhúsalengju í Norðlingaholti var tekinn til gjaldþrotaskipta í apríl. Því er enn óvissa um hvort starfsemin hefjist á réttum tíma.

Málaferli erfið leið fyrir SÁÁ

Ari Matthíasson framkvæmdastjóri SÁÁ segir að samtökin eigi mikið undir samstarfi við Reykjavíkurborg og ríkið sem kaupi ákveðna þjónustu af samtökunum. Af þeim sökum sé ,,erfitt að standa í stjórnsýslukærum gagnvart þessum aðilum."

,,Hún er ekki aðstoðarkona mín"

Jórunn Frímannsdóttir segir skrif Þorleifs Gunnlaugssonar um samvinnu hennar og sviðsstjóra velferðarsviðs vera sérstök. ,,Ég þekkti Stellu ekki persónulega áður en hún var ráðin. Hún er ekki aðstoðarkona mín," segir Jórunn.

Mest lesið


Fleiri fréttir

Sjá meira


×

Mest lesið