Óviðunandi bið eftir húsnæði fyrir Byrgisfólk

Jóhanna Sigurðardóttir félagsmálaráðherra segir óviðunandi að ekki skuli vera búið að opna heimili fyrir fyrrverandi vistmenn í Byrginu. Meðferðarheimilinu var lokað í kjölfarið að Kompásþáttar Stöðvar 2 um Byrgið var sýndur rétt fyrir jólin árið 2006.

Styr hefur staðið um ákvörðun velferðarsviðs Reykjavíkur að ganga til samninga við Heilsuverndarstöðina um búsetuúrræði sem meðal annars er ætlað að styðja við þá sem voru áður í Byrginu. Innri endurskoðun Reykjavíkurborgar fór yfir ákvörðun velferðarsviðs og eftir umræðu um skýrsluna í borgarráði í gær var málinu frestað.

Áður hafði Þorleifur Gunnlaugsson, borgarfulltrúi Vinstri - grænna, lagt fram tillögu um að samningaviðræðurnar verði stöðvaðar og kannaðar verða staðhæfingar þess efnis að húsnæðið sem Heilsuverndarstöðin ætlaði undir starfsemina sé ekki til reiðu.

,,Við höfum gert það sem í okkar valdi stendur til að koma málinu í höfn," segir Jóhanna og bætir við að frá því að hún varð ráðherra hafi hún lagt áherslu á að málið verði leitt til lykta leitt. ,,Það er mjög miður að ekki skuli vera komin niðurstaða í málið."