,,Maðurinn var í losti svo við urðum að draga hann út"

Snarræði tveggja vegfaranda kom veg fyrir að illa færi þegar fólksbíll brann til kaldra kola og annar skemmdist mikið við Reykjaveg í Laugardalnum síðdegis. Allt lítur út fyrir að kviknað hafi í bílnum út frá gaskút í farangsrými bílsins sem varð alelda á skammri stundu.

,,Við heyrðum mikla prengingu og það tók okkur smá tíma til átta okkur á því hvað hafði gerst," segir Lydía Jónsdóttir sem stödd var í nágrenni bílsins ásamt vinkonu sinni.

Lydía hljóp að bílnum en þá hafði ökumaður bifreiðar, sem síðar kveiknaði í, borið að. Við sprenginguna brotnaði rúða í bílnum og hurð dældaðist sem gerði það að verkum að erfiðara var að ná manni út úr bifreiðinni.

,,Maðurinn var í losti svo við urðum að draga hann út," segir Lydía og bætir við að þau hafi þurft að færa manninn í kjölfar þess að bílinn varð alelda. Skömmu síðar kom slökkviliðið á staðinn. ,,Það var ekkert annað í stöðunni en að draga hann út úr bílnum þó að við vorum í hættu."

Slökkvilið réði niðurlögum eldsins og var ökumaðurinn fluttur á slysadeild með talsvert alvarleg brunasár. Nánari upplýsingar um líðan hans hafa ekki enn fengist.