Frei úr leik á EM

Svisslendingar hafa orðið fyrir miklu áfalli strax í fyrsta leik á EM eftir að í ljós kom að fyrirliðinn og framherjinn Alexander Frei getur ekki spilað meira í keppninni vegna meiðsla.

Frei þurfti að fara meiddur af velli fyrir hlé í opnunarleik Svisslendinga gegn Tékkum í dag og táraðist þegar hann gekk til búningsherbergja. Nú hefur komið í ljós að hinn 28 ára gamli Frei er með rifið liðband í vinstra hnénu.

Frei er markahæsti leikmaður svissneska landsliðsins með 35 mörk í 59 landsleikjum.

Svisslendingar leika við Tyrki á miðvikudaginn og spila svo við Portúgala í lokaleik sínum í riðlakeppninni þann 15. júní.