Rachel Hunter þyngist og þyngist

Fyrirsætan Rachel Hunter sem giftist Rod Stewart árið 1990, þá aðeins 21 árs gömul, er þessa dagana áberandi á síðum bresku slúðurpressunnar af þeim sökum að hún hefur bætt á sig nokkrum kílóum.

Hunter tók nýverið þátt í sjónvarpsþættinum Celebrity Circus þar sem hún sýndi listir sínar ásamt þekktum einstaklingum í Bretlandi. Pressan þar í landi heldur ekki vatni yfir útliti Hunter.

Eins og myndirnar sýna er fyrrum fyrirsætan í kjörþyngd ef eitthvað er en Daily Mail heldur því fram að hún líkist sirkusdýri sökum þyngdarinnar og vitnar í heiti þáttarins þar sem hún sýndi fimi sína.

Rachel Hunter eignaðist tvö börn með Rod Stewart.