Styrktartónleikar Umhyggju í kvöld

Margir þekktir tónlistarmenn koma fram á styrktartónleikum Umhyggju sem haldnir verða á Hótel Hilton í kvöld. Tónleikarnir hefjast klukkan átta en hægt er að nálgast miða á miði.is eða við innganginn á Hótel Hilton.

Allur ágóði tónleikanna rennur óskiptur til Umhyggju, félags til styrktar langveikum börnum. Það er Arnhildur Magnúsdóttir sem hefur veg og vanda af þessum tónleikum. Hún er sjálf búin að vera sjúklingur en er komin til betri heilsu núna. Hún vinnur núna við að kenna jóga og svæðanudd með heilbrigðu fólki. Hún hefur einnig unnið mikið með fólki sem þarf á hjálp að halda.

Meðal þeirra sem fram koma eru Ragnar Bjarnason, Egill Ólafsson, Stefán Hilmarsson, Grétar Örvarsson, Sigga Beinteins, Björn Jörundur, Friðrik Ómar, Regína Ósk, Einar Águst, Hörður Torfason, Elín Halldórsdóttir og fleiri.