Konungur Belgíu samþykkir ekki afsögn forsætisráðherra

Albert II, konungur Belgíu, samþykkir ekki af afsögn Yves Leterme, forsætisráðherra Belgíu, frá því á mánudaginn. Albert kallar eftir sátt á milli andstæðra fylkinga og heitir á Leterme að beita sér ennfrekar að sameiginlegu samkomulagi.

Leterme hafði gefið fylkingum frönskumælandi og flæmskumælandi Belga frest til 15. júlí til þess að samþykkja endurbætur sem gefa ákveðnum svæðum í landinu meiri völd en þau hafa í dag. Belgía er þegar það land í Evrópu þar sem minnst miðstjórn er fyrir og völd einstakra héraða umtalsverð.

Flæmskumælandi íbúar landsins vilja margir hverjir aukna sjálfstjórn héraðanna, en frönskumælandi stjórnmálamenn saka hina flæmskumælandi um að vilja algeran aðskilnað. Leterme sagði að skilin á milli fylkinganna vera of djúp til þess að ná samkomulaginu og sagði í framhaldinu af sér.

Leterme tók við embætti forsætisráðherra í mars eftir níu mánaða stjórnarkreppu í landinu. Hann er leiðtogi flokks flæmskumælandi kristinna demókrata sem vann kosningarnar í júní á seinasta ári.