Minnst 11 látnir í sprengingu í Líbanon

Minnst 11 eru látnir í sprengingu í miðbæ líbönsku borgarinnar Trípoli. Sprengingin var í nánd rútu með nokkrum hermönnum sem voru í leyfi innanborðs. Enginn hefur lýst árásinni á sig en yfir 30 manns særðust einnig í árásinni.

Mikið hefur verið um átök í hafnarborginni Trípoli síðustu mánuði og hafa meira en 20 manns dáið á þeim tíma. Forseti landsins Michel Suleiman telur árásina vera hryðjuverkaárás. Talið er að árásin geti verið í tengslum við för forsetann til Sýrlands þar sem áætlað er að koma á diplómatískum tengslum á milli þjóðanna tveggja en margir Líbanar eru á móti því.