Upprættu umfangsmikla bruggstarfsemi við Laugaveginn

Lögreglan á höfuðborgarsvæðinu upprætti umfangsmikla bruggstarfssemi í bakihúsi við Laugaveg í gærkvöldi.

Gambralykt lagði af húsinu þegar lögreglumenn komu á vettvang. Þar voru um það bil þúsund lítrar af gambra í einu íláti og var slökkviliðið kallað á vettvang til að eyða vökvanum. Slökkviliðsmenn settu hann á eiturefnatunnur og helltu úr þeim í sjóinn.

Tveir menn voru handteknir á vettvangi, grunaðir um framleiðsluna, og er annar þeirra enn í haldi. Hún var stunduð í kjallara hússins, en tvær erða þrjár íbúðir eru á efri hæðum þess. Lagt var hald á tæki og tól, en eftir því sem fréttastofan kemst næst, hefur bruggstarfssemi áður verið upprætt í þessu sama húsi. Ekki liggur þó fyrir hvort sömu menn voru þar að verki.