Madonna og Jesus heitasta parið í dag

Madonna hefur undanfarna daga sést í tygjum með nýjum manni. Sagt er að svo mikill sé kærleikurinn á milli þeirra að þau megi varla af hvort öðru sjá. Nýi maðurinn í lífi poppstjörnunnar heitir Jesus. En hann er þó ekki sá sem er frá Nasaret og gárungarnir segja að eigi afmæli á miðvikudaginn.

Nei, nýi maðurinn í lífi hennar Madonnu er brasilísk fyrirsæta, Jesus Luzb að nafni, eftir því sem breska slúðurblaðið The Sun skrifar.

Madonna, sem komst á sextugsaldur á þessu ári, skildi við eiginmann sinn og barnsföður, Guy Richie, í haust.