Umferðarslysum á höfuðborgarsvæðinu fækkar

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu samkvæmt upplýsingum frá Umferðarstofu.

Slysum hefur fækkað um 15% síðastliðna sjö mánuði samanborið við sama tíma á síðasta ári.

Ef skoðaðir eru helstu slysastaðir höfuðborgarsvæðisins síðastliðið eitt og hálft ár má sjá að flest hafa þau orðið á gatnamótum Suðurlandsbrautar/Kringlumýrarbrautar og Laugavegs eða fjórtán talsins. Tíu slys hafa á sama tíma átt sér stað á gatnamótum Kringlumýrarbrautar og Bústaðavegar austan Bústaðavegsbrúar.

Lögreglan hefur haldið uppi sérstöku eftirliti á þeim gatnamótum þar sem slysin hafa verið flest og á tímum þegar umferðarþunginn er mestur.

Markmið þess er að hvetja ökumenn til aukinnar aðgæslu. Því mun haldið áfram. Þá hefur Vegagerðin og Reykjavíkurborg tekið þessa staði til skoðunar með úrræði í huga.