REI skýrslan í heild sinni

Hér fyrir neðan má nálgast lokaskýrslu stýrihópsins sem fjallaði um málefni Orkuveitunnar og REI. Vísir hefur í kvöld sagt frá efni skýrslunnar en samkvæmt heimildum Vísis hyggst Svandís Svavarsdóttir leggja skýrsluna fyrir borgarráð á morgun. Heimildir herma einnig að sjálfstæðismenn í Reykjavík hafi fundað í kvöld vegna skýrslunnar en ekki munu allir vera á eitt sáttir um innihaldið.

Í stýrihópnum áttu sæti þau Hanna Birna Kristjánsdóttir Sjálfstæðisflokki, Óskar Bergsson Framsóknarflokki, Margrét Sverrisdóttir af F-lista, Sigrún Elsa Smáradóttir, Samfylkingu og Svandís Svavarsdóttir, VG sem var formaður hópsins.

Þá áttu þeir Gísli Marteinn Baldursson, Sjálfstæðisflokki og Dagur B. Eggertsson, þáverandi borgarstjóri sæti í hópnum.