REI skýrslan: Aðkoma FL Group ráðandi

Vísir hefur undir höndum skýrslu stýrihóps sem falið var að fjalla um REI málið. Borgarstjórnarflokkur Sjálfstæðisflokks fundar nú um innihald hennar en skýrslan verður lögð fyrir borgarráð á morgun.

Á meðal þess sem fram kemur í skýrslunni er það álit stýrihópsins að aðkoma utanaðkomandi hagsmunaaðila á borð við FL Group við ákvarðanir í REI málinu hafi verið mikil og jafnvel ráðandi.

Þá segir: "Ljóst er bæði af ferlinu eins og það liggur fyrir en ekki síður af vinnu stýrihópsins að engan veginn lá fyrir hvert væri umboð stjórnarmanna, fulltrúa eigenda eða stjórnenda til að taka stórar ákvarðanir."

Stýrihópurinn telur að verulega hafi skort á að hagsmunum OR og eigenda henn hafi verið haldið til haga í málinu.

Í fylgiskjali þar sem farið er yfir röð atburða kemur fram að að fulltrúi FL Group hafði „beina aðkomu að gerð þjónustusamningsins milli IR og REI.“

Þá segir að hópurinn sé sammála um að í ferlinu hafi orðið trúnaðarbrestur milli æðstu stjórnenda REI og Orkuveitunnar annars vegar, og ákveðinna brogarfulltrúa hins vegar. „Brýnt er að endurvinna það traust."

Í framhaldi kemur reyndar fram að ákveðinn klofningur er í stýrihópnum því skýrslunni segir að ekki sé einróma skilningur innan stýrihópsins á því atriði.

Undir kaflanum "lærdómar" í skýrslunni segir að atburðarrás REI málsins sé áfellisdómur yfir "stjórnsýslu málsins" og þá sérstaklega á vettvangi fyrirtækja í eigu borgarbúa.

Við lestur skýrslunnar kemur það bersýnilega í ljós að í henni er að finna miklar málamiðlanir. Veigamiklum þáttum í málinu er gert skil með loðnu orðalagi og óvíst að þetta verði til að svara öllum spurningum sem enn standa eftir varðandi REI málið.

Tillögur stýrihópsins til úrbóta má lesa hér