Trúarleiðtogi skilur við 86 eiginkonur sínar

Íslamskur trúarleiðtogi í Nígeríu hefur fallist á beiðni yfirboðara sinna um að skilja við 86 af eiginkonum sínum og halda aðeins fjórum þeirra eftir.

Æðsta ráð íslamskrar trúar í Nígeríu hafði dæmt leiðtogann til dauða vegna allra þessara eiginkvenna en sá dómur hefur nú verið dreginn til baka.

Leiðtoginn sem er orðinn 84 ára gamall segir að í Kóraninum sé hvergi að finna nein viðurlög við því að eiga fleiri en fjórar eiginkonur. Með konum sínum hefur leiðtoginn hingað til eignast að minnsta kosti 170 börn.