Öldrykkja snemma dags sögð auka hamingju Dana

Ný könnun leiðir í ljós að Danir eru sú Evrópuþjóð sem hefur öldrykkju sína fyrst þjóða á daginn. Í dönskum fjölmiðlum er leitt líkum að því að þetta sé ástæða þess að Danir eru hamingjusamastir Evrópuþjóða.

Samkvæmt könnuninni er tappinn tekinn af fyrstu ölflöskunni í Danmörku að meðaltali klukkan 16.14 síðdegis. Og síðasti dropinn er drukkinn að meðaltali klukkan 22.44 að kvöldi.

Þar með hafa Danir klukkutíma forskot á öldrykkju Slóvaka sem koma næstir í röðinni en þar er fyrsti tappinn tekinn af að meðaltali klukkan 17.14 síðdegis. Hinsvegar stoppa Slóvakar drykkju sína hálfum öðrum tíma fyrr að kvöldi en Danir.

Sú þjóða sem drekkur lengst fram á kvöld eru Þjóðverjar eða til klukkan 22.59. Á móti hefja þeir drykkjuna seint eða klukkan 18.35 að meðaltali.